Google ADS

De Ligt: Kisha emocione kur Eriksen u inkuadrua në lojë, është normale pasi jemi qenie njerëzore

10:28 | 27 Mars 2022
Lorik Gerbeshi

Protagonist i madh i ndeshjes së mbrëmshme miqësore mes Holandës dhe Danimarkës ishte, Christian Eriksen, i cili iu rikthye golit pikërisht 287 ditë pas sulmit në zemër në Kopenhagë.

Danimarka e tij humbi 4-2, por Eriksen e festoi në mënyrën më të mirë rikthimin në kombëtare.

Pas ndeshjes për këtë foli edhe Matthijs De Ligt, i cili në konferencën për shtyp komentoi: “Nuk është e lehtë të përballesh me Eriksenin”.

“Kam pasur emocione kur ai doli në fushë (në minutën e parë të pjesës së dytë)”, vazhdoi mbrojtësi i Juventusit.

“Natyrisht që duhet të dish të largosh ndjenjat, pasi je lojtar, por ne jemi edhe qenie njerëzore. Të gjithë jemi shumë të lumtur që ai është rikthyer në këtë nivel”, përfundoi mbrojtësi holandez, De Ligt.

Shpërndaje në rrjete sociale

Lajmet më të lexuara

Të ngjashme

Foto lajm